السلام عليكم ....
أخواني
اعجبتني قصيدة سريع سريع عن البلووز و حبيت أشاركها معكم ....
بسم الله ...
سمعت بصوت الوالد : يا فهـد
وش عندك قبال التلفزيون في صده
صراخ و نياح و ازعاج
ما خليتني و امك ننام .... وش هالصجة ؟
رديت: و الله مباريات و فله
و ذا اللاعب ... هذا هذا تشوفه ؟؟ دخل هدف في آخر دقيقه
قالي: طيب يا فهد وش فريــــ
ـــقك ذا اللي ازعجتنابه
رديت بنفس واحد : تشيلسي
فريق قوي و شاد همه
الوالد عبط بوجهه و قال :
يا وليدي ذا الفريق وشهو من لحيه ؟
من وين أبدى ... وش أسوي ... وش أقوله؟
هذا فريق لو تلف الكون
كله يا يبه ما تلقى مثيله
ملعب صغير بجمهور كبير
و مدريهم كل الاندية تريده
كل ما شات لاعب حارسهم صدها
حتى لو اللي شاتها ( شليه )
الوالد : خلاص يا وليدي و الله
اني جايع بروح أشرب ملوخية
لالالا يا ابوي أصبر شوي
بحكيلك عن جون تيري
دفاع صلب جامد
و كابتن منتخب بلاده و فريقي
أما قلب الدفاع كارفـــالهو
لعب ضد برشالونه و مسك رونالدينهو
آشلي كول بطل الأبطال
جاي من فريق أسمه آرسنال
فريرا يلعب ظهير يمين
أقوووول أبوي يناديك ميين ؟
هذا السواق ما عليك منه
رجعنا لفريقك كلمني عنه
ههههه أوكي
ميكاليلي ..هذا لاعب معروف
يركض عليك كنه خروف !
أما لاعب الموسم اسيان
مسكوه يسوق و هو سكران!
عاد هذا اللاعب قمه... روبن
لا مسك الكورة وخر عنه
فن و مهارة و ذوق و في حلـــ
ـــوق المدافعين ناشب كنه صقعله
عاد بلحروز في كل مباراة نكبات
بس أنه مؤمن بكتاب الله و السنة
أهداف لامبارد كلها عالمية
أحسن من اخوياك اللي بالناصرية ( وش دخل الناصريه .. مدري )
و فيه لاعب اسمه بالاك
هذا ما يفلح ولا في صيد السمك
شيفا غبي ... ترك ميلان
و أول ما جا قالو يا دروغبا خسراان
لازم الموسم الجاي يكون هداف
انا مراهن بعضويتي عليه
الرجال انلحس ما يجيب أهداف
و را ما يجيبون شيخ يقرى عليييه
وصلنا لدروغبا .... منهو فروكبا ؟
ههه لا مو فروكبا ! دروغبا
مب مشكله من هو ؟
هذا لو يجي النصر جاب بطولة
يعطيك اللعب على أصوله
يا وليدي النصر لو يجي مارادونا و بيليه ما جاب بطوله
عاد يابوي الشكوه على الله
وش رايكم ..... حسيتم انها سوالف صح؟
اهم شي ان شا الله ضحكتكم ..
طبعا القصة مو صدق ( أخاف واحد يصدق )
طيب سلام ...
المشاركات
المزاج
العمل/الترفيه